( Geçen sayıdan devam )
Medine-i Ayıntap’ta sahib-ül hayrât velhasanât Saadetin Mahir Abdullah Efendi kendi malından Medine-i Ayıntap’ta Arasa Meydanı kurbunda bina ve ihdas eylediği havuz ve navz-ı mezkûre cari olup Eyyup mahallesinde Divrikli Mustafa Çelebihanesi'nde vaki’kastaldan üç ticarî ısbı kutru hâvi Karataş'tan adden vazı' olunmakla ifraz ve bast’ı kanevât edüp esna-yi cereyanda Çukur mahallede Basmamacızâde Elhâc Osman Efendi hanesine imrar bâdehû Tarlay-i Atîk mahallesinde Kılınç Muhammed Ağa menziline mârr tarik helasında bir masura su ifraz edip mâadasını Hancı El-Hâc Osman Ağa ve Zaim Ahmet Ağa menzillerine imrar ve havz-ı mezkûre icra ettiği müştekilen bir kanelik suyu ve havz-ı mezkûre muttasıl bina eylediği beş bâb dükkânlarını ve bir sekiyi ve medine-i mezbure muzâfâtından karye-i An Bekçi (Beğlikçi) toprağında vâki’ şehre câri olan suyu ile dâir müceddeden bina eylediği talıdîd ve tavsiften müstağni derim i cebelde iki bab değirmen vakf edip şöyle şart eyledi ki zikrolunan dekâkin ve değirmenler ecr-i misil ile âhare icar olunup her sene hasıl olan icaresinden bir kuruş nişare bahası ve on bir kuruş ta kanevateçı ücreti ki ceman beher sene on iki kuruş kanevatçıva verile ve her gece saat ikiye gelince havuz üzerinde bir kandil yanıp beher yevm vakkaade bir akça ve bir akça da mesarif-i kandil ve şiyr-i rûgan içun vakkaade verilüb ve yevmî iki akça kâtip olanlara ve iki akça nâzır olanlara verilüp ve yevmî bir akça dahi câbi olanlara verilir ve medine-i mezkurede debbag hane camiinde imam olanlar dahi her gün bâd-es-salâtir-asır sure-i şeriften (Nebe) tilâvet edip sevabı bana ihdâ eyliye ve beher sene ledeliktizâ vakf-i mezkûrun meremmatına altmış kuruş sarf oluna deyüp vakfi mezkûrıun kabulünü mâdâme hayyen kendi nefsine şart edüp bâdehû evlâdi zükûrunun erşedine ve evlad-i evladının zekeren kân ev ünsâ erşedine batnen bade hainin ve neslin bâde neslin ebeden mâ tenâselû şart edüb şu veçhile müctemı’ evlâda ve evlad ve evlad evladın erşedi mütevelli olup fazla-i galle-i vakfı cümle evlad-i zükûr ve ünâsma ve evlad-ı evladları zükûr ve ünâs alesseviyye ahz ve kabz eyliyerek bâdehû evlad münkariz olursa tevliyet darüssaâde ağalarına ve fazla Medine-i Münevvere kadısına iysâl oluna deyu şart eylemiştir.
20 Cemâziyelûlâ 1122 İşriyne min Cemâziyelûlâ liseneti elf ve mie ve isnâ ve işrîn.