Cilt:2
Sayfa:23
Fıkra:2
Vechi tahriri sicil budur ki bundan sabık Ayıntap hâslarından bervechi iltizam kâtip olan Ali bin Sekkâk ve Maraş kalesi müstahfazlan bölüğü başlarından bozacı Mu stafa.bin Mehmet ve mezbur kâtib in mübaşeret zamanından beru kesri mukataası ve bekayasının tahsili içün tezkerei şeriften havale tayin olunan Gulâm Şalu Ahmet Çelebi meclisi şeriate haziran olduklarında mezbur ikrar ve itiraf edüp dedi ki bir Gürcüyetil asil ve beyzayül Ievn şehlaül ayn on bir yaşında kız oğlan Selvarc nam memlûke cariyemi Mustafa bölük başına otuz beş tamam sikke Florî altuna bey’i sahih ile bey’ edüp ve semeni mez buru bittemam kabzeltim deyüp ve bir Habeşiyyül asil sagıre sekiz yaşında Harire. nam miilk cariyemi dahi on beş Flori altuna mezbur bölük başına bey’i sahih ile bey edüp ve semeni mezburu bi kusur vela küsûr alup kabzettüm deyücek mezbur bölük başı dahi bâyii mezbur Ali’nin vechi meşruh kelâmını tastik ve tahkik edüp zik rolunan iki câriye ki Selvare ve Harire dir meblağı mezbur ile alup kabul ve kabzettüm deyüp iki can ipten fissemen velnemen icap ve kabul bulunduktan sonra sıhhat biy’e ve şiraye hükmolunup bittalep- ebti sicil olundu tahriren fi yevmi- 12 fi şehr rebiülevvel 943.
Cilt:2
Sayfa:127
Fıkra:1
Vechi tahriri sicil budur ki kariyei Urum .Evlekten Hamza bin Mehmet Fakıh meclisi şera gelüp bileşince Mübarek bin Abdullah nam abdi esvedi ihzar edüp Mübarek ile bahsettük ki ben gece ile kariyei Ağcabük’e varup bir nişan getirmeğe ben mezkûr olan kariye ye varup gelür iken mezbur Mübarek karşumdan gelüp bir nice defa beni hacer ile atup urdu gözümün önünü mecruh edüp beni layüakıl edüp bir felhah ve bir gömlek ve bir abe ve dülbendüm dahi soyup aldı deyücek mukabilde mezbur Mübarek’ten sual olunduk. ta vechi meşruh üzre ikrar ve itiraf edüp dedi ki mezbur Hamza ile bahsettük gece ile kariyei mezbur* eye varup gelür iken karşulayıp mezbur Hamzaya bir iki defa taş attum üçüncü hat taşı urup yıkdum bir abe ve bir dülbent ve bir gömleğin soydum idüm ve (Bir kelime okunamamış) etmedüm deyüp bittav verriza ikrarı Süca subaşı adamı(Bir kelime okunamamış) Ahmet talebi ile sebti sicil olundu tahriren fi yevn 28 fi rebiüevvel 948.