Hazret-I Abdülaziz Han-I keramet intima
Verd din-ü Devlete revnak o şah-I mücteba
Ol şehe tav’an olur münkaad cemii müslimin
Bittabi metbü olur böyle imam-I mukteda
Maksad-I alisi mülk-ü milletin imarıdır
Çok muammer evliye zat-I hümayunun Huda
Mekteb-I Rüşdiyyeler yaptırdı her bir beldeye
Oldular etfal-I nadan nail-I rüşd-ü zeka
Hamd-ü lillah ruşen oldu Aynıtabın aynı da
Mekteb-I Rüşdiyyenin olup türabı tutiya
Hoca-I evvel Cenab-I Mustafa effendi kim
Ol huceste vakıa- talim-I sıbyane seza
Her funün-ü arifetten feyzalırlar pek güzel
Hüsn-ü hulkuna hemen etfal kılsın iktida.
Hoca-I sani de Abdullah effendi ol dahi
Etmede talimde hasbi Kemal-I itina
Sarf-I himmet kıldılar bu mektebin imarına
Rıfk ile teşvik edip kaaimmakaamı dama
Hacı İsmail effendi kim odur Kaaimmakam
Layıkınca avn kıldı hak bu kim suph-u mesa
Gülşen asa oldu bu cay-I neşat efza bu kim
Anda bülbüller gibi etfal etmekte neva
Hüsn-ü nazm ile bu mektep oldu güya bir kitap
Suret-I fehrettir revzenler anda cabea
Bu makaam-I dilkeşi bu saay-ü ilmi seyreden
Bizzarure padişah-I aleme eyler dua
Mekteb-I Rüşdiyyenin imarı bulunca hıtaam
Tarz-I matbu üzre oldukta makaam-I dilküşn
Dürr-ü meknun gibi nazmettim ana tarihi tam
Aynıtapta mekteb-I Rüşdiyye bu yıl ev bina
1288